Jæja Grana félagar núna ætlum við í æskulýðsnefnd að halda námskeið sem á að byrja í næstu viku og langar okkur til að leita til ykkar með hesta. Okkur vantar nokkra þæga hesta frá 23 apríl og í svona 3-4 vikur. Námskeiðið verður tvisvar í viku. Endilega ef þið getið hjálpað hafið samband við Ingólf í síma 695-1808 eða Svanhildi í síma 699-5775

Æskulýðsnefnd

4 vikna reiðnámskeið hefst í næstu viku

Meira vanir verða á fimmtudögum frá 16.30-18.30, kennari: Ingó

Minna vanir verða á miðvikudögum frá 16.30-18.30, kennari: Karin

Verð: 10.000

Skráning og nánari upplýsingar gefur Elsa í síma 864-2062 og email: elsa@saltvik.is

Þeir sem eru komnir með hlutverk í opnunarhátíðinni eru beðnir um að mæta í reiðhölina á morgun þriðjudag klukkan 17:30. Einnig viljum við gjarnan fá fleiri í lið með okkur og biðjum við þá að mæta á sama tíma :) 

Krakkar þið eigið að mæta á æfingu á morgun klukkan 20:00 með hesta. Endilega látið þetta berast til þeirra sem eru ekki á facebook :) :)

Granamenn ætla að fara með atriði á Fákar og Fjör sem verður á Aku 14 apríl og vantar einn hest í viðbót. Þeir sem hafa áhuga á síðasta sætinu í Grana showinu eru beðnir að mæta í reiðhöll Grana á fimmtudag klukkan 20:00 :) Toggi formaður

Nú er einnig búið að ákveða vígsludag á reiðhöllinni okkar og langar okkur að biðja þá sem eiga litskrúðuga hesta endilega að hafa samband við Bjarni Vil 892-4645 til að vera með í litasýningunni :)

Kæru Grana- og Þjálfafélagar

Nú er búið að ákveða dag fyrir vígslu reiðhallarinnar, þannig að nú vantar fólk á öllum aldri til þess að taka að sér hin ýmsu verkefni. Við erum að leita af fólki bæði til að taka þátt í sýningunni á hestum og einnig við að aðstoða og undirbúa hana. 

Þeir sem hafa áhuga að taka þátt endilega mætið í reiðhöllina á þriðjudaginn 27. mars klukkan 20:00

Hlökkum til að sjá sem flesta

Vígslunefnd

Jæja þá er Knapamerki 1 farið af stað. Við erum mjög ánægð með þátttökuna, en alls eru skráðir 11 manns á öllum aldri sem við skiptum í tvo hópa. Enn er samt eitt laust pláss í fyrri hópnum sem er klukkan 17:00 á þriðjudögum.

Fyrsti bóklegi tíminn var í kvöld hjá Oddný Láru og voru allir mjög ánægðir eftir þann tíma, svo þetta byrjar allt vel :) Við vorum svo heppin að fá Þekkingarsetrið lánað fyrir bóklega námið en þar er frábær aðstaða fyrir svona námskeið. Á morgun verður svo fyrsti verklegi tíminn hjá Helga í nýju reiðhöllinni okkar.

Æskulýðsnefnd :)

Reiðhöllin verður lokuð á þriðjudögum frá klukkan 17:00 - 19:00 næstu 6-8  vikurnar vegna knapamerkjakennslu.

Hestadagar í Reykjavík

  Hestadagar í Reykjavík er samvinnuverkefni LH, Höfuðborgarstofu, Íslandsstofu, Icelandair Group og hestamannafélaganna á stórhöfuðborgarsvæðinu og verða haldnir dagana 29. mars - 1. apríl næstkomandi. 

Dagskráin verður með fjölbreyttu sniði þetta árið. Fimmtudag og föstudag verður farið í   reiðtúra, borðuð kjötsúpa, horft á tískusýningu, hrossaræktarbú heimsótt og horft á flotta gæðinga á lokakvöldi Meistaradeildar í hestaíþróttum í Ölfushöll.

Eins og í fyrra verður farin skrúðreið á laugardeginum 31. mars og að þessu sinni verður farinn hringur í miðbænum.  Í ráðhúsi Reykjavíkur verður eitthvað hestatengt í boði allan daginn, söngur, fræðsla og gaman.   Um kvöldið endum við svo á að horfa á flottustu töltara landsins á skautasvellinu í Laugardal: "Ístölt - þeir allra sterkustu".

Sunnudagurinn er tileinkaður æskunni.  Sýningin Æskan og hesturinn er fjölskylduhátíð í Reiðhöllinni í Víðidal sem öll hestamannafélögin á stórhöfuðborgarsvæðinu standa að. Haldnar verða tvær sýningar á sunnudeginum 1.apríl.  Sýning þessi hefur alltaf verið gríðarlega vinsæl og þar má sjá framtíðarknapa Íslands leika listir sínar með fákum sínum.

Endanleg dagskrá og nánari upplýsingar um Hestadaga í Reykjavík verður birt á næstu dögum inni á www.icelandichorsefestival.is

Viðburður sem engin áhugamaður um íslenska hestinn ætti að missa af!